عطني القليـل !

ياخي إرحـم .. وإترك الفرقـا هنـاك ..

اشطـب الأحـزان كلمـة ..

بدّل القسْـوَة بـ بَسْمـَــة ..!

وهات همـّك .. منْ يحبّ ومنْ يهيـم يشيـل عَنْ مَحبوبَـه همّــه !

عطنـي من وقتـك ثوانـي ..

عطنـي من عمري ثواني .. وفسّر الأشـواق واللوعات في ليلـي معانـي .. !

إرسِـم الضحكـَة على فم العَنـا ..

إمْسَح غبار الأسى .. من عَلى كفـّي أنا ..



خذ بيدّي مثل أمّ .. وأنا طفلـك ..!

خذنـي طفلـك !


خذنـي شيّ[ن] وسـط إيدك ..

خذنـي عقد[ن] حول جيـدك ..

ولا تدري ؟ خذني فيـك وحطـّني داخـل عروقـك ..

خلّني في دمك أبقى ..

خلّني اشتاق فيك ، وفيـك أشقـى ..


خلّ وقتي بين بابين ودريشـة وفجر ملقـى ..


ولا تدري ؟ روح ما أبغـى وصالـك !

إرحل إرحل .. خلّني أسهى في بالـك !

قرّب الأحـزان واسكب .. من قوارير الفرح زدني وإشـرب

إقطع الآمال فيني .. حبّني و إجحـد حنيـني ..

ضحّـك الدمعـات وإرسلها تحايـا ..

اقطـف أزهـار الحسـد .. واكتب بدمّـي وصايـا ..

رتـّب أوراق الكـلام .. بدّل الحرب بسلام ..

وبالأخير اعذر شخابيـط القتيـل ..

قلبه يغلي .. وإنت بيديـك الفتيـل ..

باختم الحكي بإشارة ..

وإنت خلك لي لبيب .. وافهم المقصد و حاول يالحبيب ..

ما أبي منـك تحبّ .. وعادي لو حتـى تخـون ..

ماطلبـت المستحيـل ..

عطنـي من دنيـاك حبـّك ..

يالغضـيْ عطنـي القليـــل !